Friday, October 12, 2007

فضيلة الأمام الأكبر...مع السلامه


أمبارح كنت بتفرج على التلفزيون وبالصدفه لقيت برنامج على قناة المحور كان مستضيف فضيلة الأمام الأكبر ...شيخ الأزهر محمد سيد طنطاوى , الحوار كا بيدور حول فتوى الأمام (فى الأحتفال بليلة القدر) بتنفيذ حد الجلد على من يروجوا الأشاعات فى الصحف (ده طبعا كان تعليقا على الشائعات حول صحة الرئيس)
المهم الرجل المحاور كان كل أستفسارته أشمعنا الكلام ده طلع فى الوقت الحالى ... وليه مبنسمعشى أى فتوى أو أراء بخصوص مواضيع مهمه تانيه زى تزوير الأنتخابات مثلا أوحتكار بعض السلع زى الحديد , والأسمنت ...الخ
وكان ديما فضيلة الأمام بيرد ويقول
تزوير الأنتخابات حرام حرام حرام أحتكار أى سلعه حديد أو غيره حرام حرام حرام والحكومه اللى تسمح بكده تبقى حكومه فاجره أو مخطئه بس هو فين الكلام ده فى مصر !!!1
طبعا كان المذيع مش عارف يرد عليه وكان بيكتفى أنه بيبتسم ... وكان كل مره فضيلة الأمام بيقولوا بتضحك ليه أنت خايف من أيه...وطبعا كان رد المذيع ديما لأ أنا مش خايف من حاجه
المهم لغاية هنا والكلام كويس ومفيش حد ممكن يحصله حاااااااااجه , لحد ما أتنقل المذيع لموضوع تانى وهو العمليات الأستشهاديه فى فلسطين والأراضى المحتله, بس المره دى بقى المذيع (الذكى) قعد يتكلم مع فضيلة الأمام لحد ما فضيلة الأمام قاااال
الراجل اللى بيروح فى وسط مجموعه من المحتلين سواء كانوا غير مدنين أو مدنين ويفجر نفسه هو شهيد شهيد شهيد
طبعا زى ما أحنا عارفين الكلام ده مش جديد بس الجديد فى الموضوع أن المره دى اللى قاله هو فضيلة الأمام الأكبر شيخ الأزهر وزى ما حنا برده عارفيييين أن الكلام ده مش هيعجب نااااااااااس كتير ... فأنا متوقع خلال الفتره القادمه أن يتم عزل فضيلة الأمام الأكبر شيخ الأزهر محمد سيد طنطاوى

2 comments:

Anonymous said...

اللهم بعليك بأصحاب الميوعة في الدين

Ahmed Nyazy said...

قال الدكتور محمد سيد طنطاوي، شيخ الأزهر، إن توريث الحكم في مصر، إذا جاء عن طريق انتخابات حرة نزيهة «فلا مانع»، لأن هذا حق الابن الدستوري، وليست فيه مخالفة للشرع، مشيراً إلي أنه يرفض أن يكون التوريث بشكل مباشر من الأب لابنه.

نقل موقع شبكة الأخبار العربية عن جريدة «الشرق» القطرية تصريحات طنطاوي، التي جاءت في حوار مسجل مع الإعلامي البارز محمود سعد، ضمن برنامجه «اليوم السابع»، الذي يذاع علي قناة MBC، وأوقعت هذه التصريحات القناة في مأزق، حيث دارت مدوالات خلال الساعات الماضية حول حذفها من الحلقة-حسبما ذكرت المصري اليوم.

وأوضح شيخ الأزهر أنه يحترم الصحافة والصحفيين، وأن تصريحاته عن «الجلد» لم يقصد بها الصحفيين، ولكن تم تحويرها.
http://www.masrawy.com/News/2007/Egypt/Politics/October/25/azhr.aspx

la ya ragel, la shy7`, begaaad, tyb :@